ഇനിയെന്നു കാണും നാം

ഇനിയെന്നു കാണും നാം ഇനിയെന്നു കാണും നാം
മഴത്തുള്ളിയായ് മധുപാത്രമായ് എന്നരികിൽ വന്നു നീ
ഇനിയെന്നു കാണും നാം
ഇനിയെന്നു കാണും നാം ഇനിയെന്നു കാണും നാം


പിരിയുമൊരുനാൾ എന്നു നാം അറിഞ്ഞിരുന്നില്ലെൻ പ്രിയേ
വിരഹമൊരുനാൾ വന്നിടും നിനച്ചിതില്ലെൻ ഓമലെ
മൗനമാം ഈ നൊമ്പരം സഹിപ്പതെൻ മനസ്സെങ്ങനെ
വിരഹമിത്ര കഠിനമോ അറിഞ്ഞിരുന്നിലെൻ പ്രിയേ

                ഇനിയെന്നു കാണും നാം ഇനിയെന്നു കാണും നാം


ഈ കൊടും വിരഹാഗ്നിയിൽ ദഹിപ്പതെൻ മനസ്സിങ്ങനെ
എങ്കിലും എൻ പ്രിയ സഖീ നിനവിലെല്ലാം നിൻ മുഖം
കാത്തുകാത്തിന്നേകനായ് നിൻ വരവിൻ നാളിനായ്‌
വിരഹമെത്ര കുളിർമയായ് തോന്നിടുന്നൊരു നാളിനായ്‌

                ഇനിയെന്നു കാണും നാം ഇനിയെന്നു കാണും നാം